部份國際物業顧問行，趁樓市仍旺，改革代理佣金制。其中一間有個夥計話，公司上月推出兩種制度畀新人揀，一係現行嘅底薪加一成至一成半佣金；新制係冇底薪，但拆佣多達四成半，即係話，食粥食飯靠自己。 佢話新制幾吸引，但一單成交要幾個月至收到佣，冇底薪，其間唔知點過。 就算有底薪，都跌咗好多，以前好市有五六萬，𠵱家得嗰兩萬幾。