由胡恩威同林奕華炮製嘅加強版《西九龍皇帝》之《吹簫員之死》噚日喺演藝學院歌劇院公演，八方見到45條關注組嘅湯家驊好恩愛咁同太太Daisy一齊入場睇首映，吳靄儀亦結伴而來。有記者問湯大狀人民幣升值點睇，湯大狀唔係搞財經，梗係唔識答啦。
加料版做到八月十四號，胡恩威話雖然煲呔睇過上次版本，但係佢都應該嚟睇加強版，睇吓個吹簫員點死，重有煲呔由上集西九龍皇帝升正做真皇帝，更加要睇，一場九唔搭八嘅答問大會一定笑爆肚。至於肥龍，既然接咗個西九燙手山芋，亦可以喺黑暗中睇吓有乜橋可偷吓。
傳真︰2623-9278
電郵︰[email protected]