徐子淇已從英國讀完書回港，日前英國又再發生連環炸彈襲擊，前晚在銅鑼灣吃晚飯的子淇表示十分震驚，她本來預計下月返英國拍廣告，現在她十分擔心。
子淇說：「廣告商會更改拍攝地點，或者會轉去歐洲。不過我都好擔心，除咗當地有一班好朋友之外，妹妹下個月放完暑假又要返去讀書。其實一向英國嘅地鐵都好唔安全，僅次於美國紐約，女仔夜晚搭地鐵好危險，所以媽咪同我哋揀屋，都就近學校，寧願屋租貴啲。」
錯過曼聯比賽
此外，曼聯球隊今日在港作賽，子淇一早已撲了門票，她說：「其實我都唔係曼聯迷，我捧阿仙奴嘅，呢場比賽只係想入場支持香港隊，可惜我都要工作，啲飛惟有益妹妹。」
採訪、攝影：HoWingNing