吳君如和曾華倩昨日現身灣仔書展，支持好友李力持的出版社攤位。君如表示原打算出書，但因籌備時間不足，故趕不及在書展推出，她說：「我想出一本關於香港情懷、講飲飲食食嘅書，將我細個至𠵱家去過覺得好味嘅餐廳，又或者以前嘅拍拖勝地介紹畀遊客知，因為我覺得香港旅遊協會啲介紹好舊，𠵱家我做緊資料搜集，希望年底可以推出。」
親身上陣拍照
問君如會否親身上陣拍攝書中的相片？她說：「我會影相，但會唔會刊登舊男友嘅相，我要問過當事人至得，又或者搵特約扮。」
此外，關心妍和梁雨恩則出席港台太陽計劃在書展中的攤位，關心妍透露考慮出愛情小說，她說：「出書係我嘅心願，但就考慮以筆名出書，因為唔想啲fans因為關心妍個名至買，但出版社可能唔俾我咁做。」另外，莫凱謙和組合Cream亦現身兒童天地，大唱英文兒歌，甚受家長和小朋友歡迎。
採訪、攝影：馮美茵
