眨吓眼黃雙如喺《壹週刊》寫食經已經寫咗四年，佢本書亦出到第四集，聽日下午會去書展幫讀者簽名，如果大家錯過呢個機會，可以去佢間高級雜貨舖搵佢，就算唔幫襯都一定幫你簽名。
寫食經要寫得好真係難，做雜貨就更難。聽雙如講，佢正在忙於搬舖，雖然只係搬過對面馬路，但新舖面積細三分一，點擺啲貨好頭痛，反而啲客佢就唔太擔心會流失。事關去得幫襯多數都係熟客。
點解要搬？當然係因為加租。沙士之後有自由行，零售業復甦，最肥嘅係大業主。所以租約一滿，好多舖頭都要另覓地方，難怪啲中環股民一見收租股升，馬上掟晒啲零售股。
傳真︰2623-9278
電郵︰[email protected]