【本報訊】與兩年前皇家馬德里襲港相比，今次「ING安泰曼聯盃」無論在門票銷售、球迷反應及巿面氣氛三方面也較為遜色。加上紅魔新星基斯坦奴臨時「甩底」，難怪大軍抵埗當天，票房只售出三百多張門票。
球衣銷售方面，「球迷世界」負責人Kenny說：「曼聯今次掀動嘅氣氛唔及兩年前皇馬訪港，曼聯球衣近日雖然賣出接近一百件，但同皇馬當年訪港時短時間就賣晒嘅狂熱比較，有好大分別。」
港隊後衞潘耀焯亦認為曼聯吸引力不及兩年前利物浦和皇馬訪港，「𠵱家重有六千幾張波飛未賣出，可能係球迷學精咗，佢哋想睇吓有乜嘢球星嚟，先畀錢買飛入場。」
領隊費格遜早前保證會以強陣訪港，但基斯坦奴因私事臨時放棄東來，隊長堅尼及後衞軒斯等早已公布不來港，費格遜的承諾只兌現了一半。