地鐵調景嶺站上蓋都會駅（圖），密鑼緊鼓準備開盤，基座塗上油漆，兼裝上圍牌，貼上廣告照片，一出調景嶺站，四周圍都係都會駅廣告。 聽聞，長實噚日同四間代理各區高層開會，交流吓近排市況，負責銷售嘅長實高級經理郭子威就話，呢個盤喺正地鐵上蓋，客源廣泛。 個盤估計最快都要下個月至賣得。市場人士話，樓盤首度提供千九呎大碼，比蔚藍灣畔嘅相連戶重要大。