何謂好味的壽司、刺身、天婦羅？其實答案好簡單，兩個字––新鮮！江戶前壽司的賣點就是不玩花巧、不玩Fusion、食材用料要最新鮮，務求讓顧客吃到最原汁原味。夏天，日本各類海鮮當造，以之做江戶前壽司，一啖一件，肯定吃到你舔舔脷。
記者：周頌堯
攝影：楊錦文
模特兒：Louis、Koizumi
堅持正宗不玩Fusion
「壽司廣」開業3年，深受本地日本人歡迎，原因很簡單，因店子賣的江戶前壽司夠正宗，熟客日本人Louis與Koizumi說：「我哋試過好多香港日式料理店，啲舖頭為咗遷就港人口味，成日玩Fusion，無晒日本壽司傳統本質。」店子負責人亦說：「其實除咗居港日本人外，好多經常旅遊日本嘅港人都會嚟撐場，因為佢哋食過日本當地壽司，返到嚟香港發覺無乜舖頭可以食得番嗰種滋味。」
即點即切夠新鮮
何謂江戶前壽司？即日本江戶時代的壽司，特色是選取當造食材做壽司，即點即切，又因古時沒任何冷藏技術，故多數用豉油醃製或昆布包裹以保持新鮮。店子由兩位有超過20年入廚經驗的日本師傅掌舵，鈴木先生是其一，他用半鹹不淡的廣東話說：「舖頭另一位大廚，既係老闆亦係我相識多年嘅老友，我哋好畀心機做每一件壽司㗎！希望將正宗江戶前壽司介紹畀更多人認識，重會同食客多啲溝通，聽取吓佢哋嘅意見。」
沙魚追魚壽司$40
日本松山入口，用浸過日本清酒的昆布包裹沙魚追魚3小時，客人點叫時才逐片切，昆布鮮味滲入魚身，味道鮮美。
千葉鮑魚壽司$50
千葉鮑魚原隻蒸熟，然後用刀切成薄片，鋪在飯糰上，髹少許自製豉油即完成，鮑魚非常新鮮有口感。
本吞拿魚壽司$30
本吞拿魚即點即切，先用自製豉油醃製，然後蘸上少許芥辣，入口鮮甜得似剛剛在大海裏釣起一樣。
（左）茗荷$20
日本車海老$60
車海老指海蝦，雖然四季都有，但夏天出產的15cm長海蝦剛處發育期，肉質較彈牙；茗荷是一種蔬菜，一年三季出產，夏天出產的最易入口最芳香爽口。
飛魚刺身每條$100
日本九州福江入口，每年只有夏天才有劍魚出產。鈴木師傅：「飛魚肉質好鮮嫩，愈切得薄入口愈有鮮味，要切到半透明薄片好考刀工。」
新潟天婦羅生蠔每隻$180
北半球海域比較純淨，日本新潟進口的生蠔價錢比一般生蠔貴，但勝在夠新鮮。生蠔開殼後沾炸粉炸1分鐘，擺回蠔殼即成，脆卜卜一咬入口脆到有聲出。
食客有Say
壽司廣（28828752）
地址：銅鑼灣恩平道42號亨利中心10樓
營業時間：星期一至六12:00nn至3:00pm，6:30pm至11:30pm；星期日及公眾假期12:00nn至3:00pm，6:00pm至11:00pm
座位：32個
