久未推出大碟的李彩華（阿Rain），稍後將以較成熟的形象重出樂壇，早前她跟前經理人黃柏高解約後，寰宇即羅致她到旗下，並買下當年舊公司的一批國語歌版權，為阿Rain今年出碟作準備。
李彩華簽約寰宇藝人管理為經理人後，不停被安排接拍內地劇，工作接踵而來，非常忙碌。阿Rain早前便與羅嘉良合作拍攝劇集《昭君出塞》，還有份唱主題曲和插曲。
唱片今年推出
寰宇稍後會安排阿Rain出唱片，據知當年她仍在黃柏高旗下時，一早已揀好約十首國語歌，但最終未能推出，至阿Rain跟黃柏高解約，寰宇即把那批歌曲以高價買下，為她重闖樂壇作好準備，預計今年個人大碟可推出。
就有關消息向阿Rain查詢，她日前說：「呢啲嘢要問番公司，我所有工作由公司安排，我都好想出唱片，唱番歌，都幾年冇出唱片，fans都成日話想聽我唱歌。」
大騷招牌玉腿
問阿Rain會以甚麼形象見樂迷，她說：「我以前走嘅係清純路線，再出唱片梗係要改變一吓形象，我或者想試吓成熟啲嘅路線，不過一定唔會刻意賣弄性感，最多只可以騷一對招牌玉腿。」
採訪：比華利 攝影：陳偉權 服裝：SistyrMoon
