煲呔曾早知港台停播賽馬，但係六月參選特首時就扮唔知情，當作個人意見咁講出嚟。唔少立法會議員都睇唔過眼，噚日喺立法會資訊科技及廣播事務委員會上，一輪嘴炮轟煲呔愛將工商及科技局局長曾俊華（鬍鬚曾），問佢點解要做幫兇，唔一早出嚟踢爆煲呔曾做戲。
民主黨嘅馬丁話，如果當日財爺唐唐又辭職同煲呔一齊選，咁兩個人咪會鬥爆政府政策當政綱，咁傳媒就會日日報，到時唔使報民主黨新聞啦。點知鬍鬚曾口快快，反駁話𠵱家傳媒都冇乜報民主黨新聞啦，激到馬丁冇聲出。鬍鬚曾夠膽喺立法會上明寸民主黨，難怪馬丁話香港經已進入曾氏朝代，由大中小曾（曾慶紅、煲呔曾、鬍鬚曾）話晒事，曾鈺成同曾憲梓亦好巴閉，令一班民主派議員齊齊深感惶恐。
爆料熱線：29290000、27860099
報料傳真：26239278
報料電郵：[email protected]