前Cookies成員兼PingPung主音吳家穎（Kary）今年將單拖推出個人唱片，近日她不斷練歌學舞及做gym操弗備戰，又請來同們師兄陶喆的音樂班底助陣做碟，加強實力，迎戰同期出碟的姊妹鄧麗欣（Stephy）。
前Cookies成員兼PingPung主音吳家穎今年作獨立發展，於暑假推出首張廣東及國語大碟，Kary對處女碟面世大感緊張，近日頻頻學唱歌及跳舞，又努力做gym操弗身形。
放棄逐新人獎
日前Kary在九龍灣健身時，練到大汗叠細汗，更忍不住大叫「好攰」，但仍咬緊牙關堅持下去。
Kary過去兩年先後憑Cookies及PingPung角逐樂壇新組合獎項，今年她可憑個人身份角逐新人獎，然而Kary卻主動棄權，她說：「因為之前兩年已經角逐過新人嘅組合獎，公司話我都有啲經驗，唔想重當我係新人，我覺得啱嘅，其實我自己都唔想，寧願畀心機做好隻碟。」
同是Cookies出身的Stephy亦即將推出個人唱片，問Kary會否擔心被比較時，她說：「大家歌路唔同，我哋唔會鬥，啲人要比較都冇法。」
台灣閉關錄歌
早前Kary到台灣逗留一星期灌錄國語歌曲，並由台灣創作歌手兼同們師兄陶喆的班底為她炮製新歌，Kary說：「平日喺香港錄一首歌，四、五個鐘頭就搞掂，但我喺台灣錄第一首歌時要錄足兩日，監製要求好高，佢話我感情唔夠，錄歌要一take過，感情至可以連續，我覺得係好事，可以訓練唱live，結果我喺台灣日日閉關，匿喺錄音室裏面錄歌。」
採訪：朱倬誼 攝影：陳慧安 場地：君豪會
服裝提供：SistyrMoon
（灰色背心及灰色長褲為私物）
