鄭融早前被指只顧拍拖及工作態度有問題，人氣直插谷底，更被公司雪藏，幸她臨崖勒馬，近月修心養性投入工作。鄭融表示今後會珍惜機會，每當走進入錄音室時更會感到莫名興奮，因她已視這工作為興趣。
鄭融不知不覺已出道兩年，正處於半新不舊的尷尬期，今年樂壇新人個個實力雄厚，鄭融面對一眾新對手，她坦言要不斷充實自己才能夠突圍而出，當前最重要唱出令樂迷喜歡的歌曲。
不求花巧
日前鄭融接受本報訪問時說：「自己唔想同人比較，樂壇有新人係好事，大家都可以互相影響，亦都可以令自己進步。我都好欣賞今年嘅新人，之前睇過唔少新人表演，真係好犀利，每個人都好有獨特之處。」
面對一眾後起之秀，鄭融說：「都係抱住一個正面、樂觀嘅心態，我覺得只要首歌係令聽眾覺得好聽，已經足以喺佢哋之中突出，否則只會弄巧成拙。」
修心養性
早前鄭融被指只顧住拍拖以及工作態度有問題，迫使公司雪藏她，幸好她已修心養性，再次投入工作，並計劃在下月中推出第三張專輯。
鄭融坦言可以再次出碟，已自動自覺想做好每個工作，至於會否更加珍惜今次出碟的機會，她說：「總之每次我入錄音室都會好興奮，因為我真係好鍾意唱歌，我視自己嘅工作為興趣，呢樣嘢唔係個個都可以做到，所以我覺得自己真係好幸運。」
採訪：駱華齡
攝影：何國豪
