譚詠麟以往到北京總因為怕被fans包圍而不敢隨處活動，然而他早前與明星足球隊到北京作友誼賽時，竟四出搵食，又牛又羊之餘，更走到北京著名的王府井大街品嘗街邊小食，大快朵頤。
譚詠麟（阿倫）早前與香港明星足球隊到北京比賽，並順道逛街和品嘗北京美食。原來阿倫雖然到過北京無數次，但甚少機會到處逛街和覓食。阿倫笑說：「我嚟北京真係好多次，但每次唔係行色匆匆，就係怕俾fans包圍，搞到我唔敢外出，今次能夠咁輕輕鬆鬆咁去王府井大街行街食嘢，真係萬中無一。」
波鞋比香港貴
阿倫今次逛街，喜獲一內地電視製作人及動作指導林廸安帶路，吃盡火鍋、新鮮牛羊和街頭小吃，可謂大快朵頤。及後林廸安帶阿倫到波鞋店買波鞋，沒料到阿倫發覺同一款波鞋，在內地售價竟然較香港昂貴許多，所以最後寧選擇返香港購買，十分精打細算！
醫生請假追蹤
阿倫在逛街期間，有不少市民認出他，但幸好只是在背後指指點點，或是邀合照簽名，未有出現大混亂場面。不過，阿倫是次到北京，依然有忠心fans追蹤，而這位男fans更是曾志偉早前腳傷留院時，其中一位臨床醫生。阿倫說：「佢知道我嚟北京，所以專登請假跟住我呢度去嗰度去。」
