大市升勢停不了，恒指早段升過百點，上到14673，再創4年多新高，但隨即反覆回順，散場只升34點，報14602。恒指雖升，惟小時圖已現背馳，日線圖出現上手影甚長的陀螺，形態甚似「射擊之星」；期指小時圖亦見背馳，日線圖則見上手影很長的十字星，看來調整隨時出現。
收市後中銀（2388）宣布調高最優惠利率1/4厘至6.5厘，與中小型銀行看齊，恒生（011）即跟加，或許會成為大市調整的催化劑。趙飛雲仍看好中期後市，恒指若然回頭，跌至上升裂口（14308-14389）附近，會伺機買C輪。
倉內的國泰航空（293）再進1格，止賺位提高至14.55元。莊士機構（367）回1格，正在造旗，仍以0.7元止蝕。高寶綠色（274）按原定計劃買入，股價若突破0.76元，升勢將加速，暫以0.73元為止蝕位。
昨日建議優先留意鞍鋼（347）同中鋁（2600），趙飛雲只係一早追入隻鞍鋼，收市兩隻都升逾5%，早知如此就兩隻都買。鞍鋼前高位3.925元有阻力，如能上破，有機會上試4.30元，暫以3.8元為計數位。
業績可望改善
內地上半年GDP增長9.5%，比預期強勁，加上標普調高中國的主權評級，刺激國企指數大升逾90點，睇嚟國企呢浪重未炒完。
搵國企股買，一拖（038）係心水選擇。國家扶農，農業機械需求大增，加上原材料鋼的價格回落，均對一拖十分有利，今年業績照計大有進步。睇走勢，一拖由4月開始營造大圓底，最近1個月造「柄」，昨已突破柄部的下降軌，將挑戰圓底頸線（約1.64元），若再以大成交破關，量度升幅可見2元之上。
趙飛雲