本欄是勞工處與《蘋果日報》合辦，逢星期四刊出，旨在為勞資雙方解釋有關僱傭問題，如僱主或僱員有任何疑問，可致電勞工處熱線查詢，電話：27171771，熱線由「1823政府熱線」職員接聽。
叻女：亞媽，今個月嘅零用錢你重未畀我喎？
亞媽：係咩？哎吔，呢排我鬼咁忙，一時唔記得㖭，遲咗少少啫，無所謂啦！
叻女：點可以咁㗎！好似《僱傭條例》都有講，準時出糧係僱主嘅法定責任，而喺任何情況下，僱主都唔可以遲過糧期後七日內出糧畀僱員㗎。
亞媽：做乜你突然間叻咗咁多，連《僱傭條例》都識，平時讀書又唔見你咁勤力！
叻女：我下個星期會做暑期工，呢排咪上勞工處個網頁睇吓有啲乜嘢有用嘅資料，識多啲勞工條例，先知道點樣保障自己嘅權益嘛。
亞媽：咁你搵到啲乜嘢有用嘅資料呀？
簽約前要了解條款
叻女：勞工處叫啲學生仔同僱主訂立合約前，雙方要清楚了解同接受合約嘅條款，好似人工呀、工作時間呀、糧期呀、有無試用期呀……。重有，如果僱主之後想改變合約嘅條款同工作性質，同學喺接受更改前，應該先向僱主了解清楚轉變嘅詳情……
亞媽：你咁清楚你嘅權益，睇怕你同你個老闆都唔會有乜拗撬啦。
以上資料只用作說明《僱傭條例》的相關條文，對於法例的詮釋，應以《僱傭條例》為依據，僱主與僱員雙方如有爭議，則以法院的判決為最後依據。
資料提供：勞工處勞資協商促進科
服務熱線
電話：29908288
傳真：23702192
電郵：[email protected]