球迷如不善忘，應記得去年三月三十一日，香港隊在世界盃外圍賽主場對中國的大戰，當時以千計的香港隊球迷在小西灣運動場穿上紅色港隊球衣或紅衫，全情投入為港隊打氣的場面。
Q版橫額歡送阿倫
雖然港隊周六在香港大球場對曼聯無法出現如此壯觀場面，但十多名港隊忠實球迷到時仍會團結一致，臨場為港隊打氣，並會拉橫額歡送港隊前鋒歐偉倫。
球迷「肥牛」表示，原先希望安排多些港隊球迷坐在一起捧港隊，可惜票價過高，個別學生球迷無法負擔，加上所有門票都要劃位，故只能透過足總內部認購，買到十多張三百八十元平價門票。
他表示：「由於此戰是前鋒歐偉倫最後一次代表港隊上陣，故我哋一班球迷已經特別為佢做了一條畫咗阿倫嘅Q版公仔同寫住goalgoalgoal的橫額，我哋當然希望阿倫可以喺呢場告別戰中有入球，如果到時真係入到波，對佢同球迷嚟講都是完美的結局。」
