周汶錡台灣掃街食髓知味再玩中港澳

周汶錡台灣掃街食髓知味再玩中港澳

周汶錡推出旅遊書介紹台灣吃喝玩樂新蒲點,她透露專程赴台三次,在台北掃街,又食豆腐、鴨腳等滷味,更鎖定下站陸續介紹香港、澳門和內地美食。

名模周汶錡(Kathy)自從上年七月推出以結婚為主題的首本著作《MyDreamWedding》後,再次推出新書。Kathy計劃撰寫一系列旅遊書籍《MyStyleGuide》,輪流介紹世界各地的旅遊玩樂點,吃喝玩樂,她第一本以介紹台灣蒲點的《MyStyleGuideTaiwan》,昨日在書展面世,明日Kathy將於尖沙嘴舉行派對慶祝。周汶錡台灣掃街食髓知味再玩中港澳

朝九晚十二試食

Kathy透露為新書專程到台灣三次,每次留足一星期,由台灣街頭美食、cafe歎咖啡、花果茶,到日本高級懷石料理都試勻,她說:「真係食到唔停得口,日日朝九晚十二,食足十餐、八餐,好厲害。好多美食同地方都難忘,因為喺香港冇乜機會企喺街邊食嘢,今次我喺基隆、通化夜市狂『掃街』,又去咗兩次東區忠孝路食地道嘅滷味鴨腳、傳統滷汁豆腐,好正!」

介紹蒲點溫泉區

問Kathy為何選台灣為首站,她說:「我呢一兩年成日去台北做嘢,好似幫微風廣場拍廣告咁,好多朋友叫我介紹食肆、去邊度玩,我覺得不如出書寫盡佢,等人人都玩得精采啲。」
此外,Kahty又到至in的士高room18、MoS等玩盡夜生活,又去試台式溫泉的泡湯文化,她說:「其實台灣有好多賣Vintage、飾物嘅小店,好young又潮,可以慢慢發掘。」她又謂下一次將鎖定香港、澳門為目標,又會走進內地介紹上海及北京。
採訪:DebbieLum

周汶錡在全世界最高的101大樓外取景,為新書(圖)拍照。

熱愛購物的周汶錡發掘台北特色小店,搜羅古着和二手袋。

遊街食滷味

歎懷石料理