涉嫌打人嘅鄭宇盛噚日晏晝兩點半左右又去咗首爾江南警署接受問話，重同當事人當面對質，鄭宇盛當然死口唔認打過人啦。今次佢去警署嘅主要原因係兩人之前所畀嘅口供完全唔同。 另外鄭宇盛亦帶埋佢嘅代表律師去傾下有關名譽受損嘅賠償問題，事關今次事件已經令廣告商延遲同佢簽約。