暑假到，各大小商場趁勢搞活動，吸多啲年輕消費者，最佳辦法莫過於邀請年輕偶像到場，肯定可以吸引到大批人流。
馬鞍山新港城中心今個禮拜六起，一連三個周末，請嚟多位年輕偶像，玩遊戲兼大派戲飛。上周末率先登場嘅係Twins，喺新港城同歌迷見面，當日重擔任評判，選出三隊模仿Twins大賽冠亞季軍。
今個禮拜日即係二十四號，輪到最新上畫嘅「阿嫂」男、女主角同大家見面，包括方中信、林嘉欣同劉心悠，唱主題曲嘅陳思慧，更加會即場獻唱。
到咗七月三十一號，壓軸出場嘅，係為數十幾個樂壇新人同樂隊，佢哋會輪流上台唱歌，歌迷大飽耳福，商場人流肯定急增。
電郵地址：[email protected]