世界上最可怕嘅動物，一定就係外母，無論你點努力對佢好，佢都好似你搶咗佢個女，同佢有深仇大恨咁，講乜做乜都有罪。所以我老婆阿媽話響東京嚟香港，我就頭痛。老婆為咗我好，預先教我整一個「炸吞拿魚刺身便當」，話外母好鍾意食。我依足晒步驟：將四塊吞拿魚刺身用豉油同酒醃好，晾乾之後用紫蘇葉捲起，上邊加咗一層薄薄嘅小麥粉，用180度滾油炸，真係聞到都想食。跟住就將去咗皮嘅芋頭切成棒狀，浸水後瀝乾後又係用180度滾油炸，加埋紫菜、紅薑做伴菜，又香又滑嘅白飯，諗住畀個好印象外母，點知佢一到香港，用眼尾睇睇個飯盒，話佢幾乎日日食，好厭，要去食四川菜喎！重要唔貴嗰間都唔去，食到我幾乎破產。
半夜三時，我小心翼翼地從冰箱拿出便當，拍拍它：「唔好喊呀，唔係你唔好食，係佢唔識欣賞你啫。」跟住我就叮熱佢，全部食晒落肚，雖然飽到頂住個胃，但覺得簡直係人間最美味！（三十）
老大大吉