劉嘉玲出任電視購物頻道CEO已半年，她早前接受時尚雜誌訪問時，謂當CEO滿足感大，但開會時她就睏到不得了，而遇上好劇本時，她也會請假拍戲。
劉嘉玲早前為內地時尚雜誌《WFD國際服裝動態》拍攝封面照，她穿上Momento皮草和秋裝及佩戴浪琴表，在一地水晶粒上拍照，散發華麗型格一面。
備零食解睏
出任電視購物頻道總裁半年的劉嘉玲，在訪問中透露現時九點出門，一星期返工四天，由演員過渡至CEO，她謂一切都由摸索和學習開始。她曾經穿牛仔褲及休閒服上班，最後由Marketing部門的下屬出聲，她才醒覺要顧及形象，改穿行政套裝和高跟鞋等。而現時劉嘉玲已學習電腦，更會用手寫板輸入法。
至於上班生涯最難捱的地方，劉嘉玲在訪問中表示是開會，她說：「真係眼瞓死！不過我冇試過瞓着，真係太眼瞓我會走出去洗個面，若果要熄燈睇片，我就會準備大量零食。我絕對唔會容許自己或下屬瞓着，不過講真，我接受下屬開會中途打瞌睡，呢啲都係人之常情。」
難忘王家衞
訪問中，問劉嘉玲做演員與CEO那份工作較辛苦？她謂前者彈性較大，也容許遲到，但比當CEO的規律化生活辛苦得多，她說：「辛苦百倍！入行以嚟我已經習慣夏天拍冬天戲，天寒地凍企喺海邊講對白，捱通宵我最有經驗，凌晨三至五點最想瞓，小睡一陣嘅惡果就係眼腫，所以唔瞓得。
「有時連拍三日三夜，真係好攰！王家衞最鍾意去啲污糟嘅後巷同幾十年冇人住嘅單位拍戲，嗰啲地方乜嘢蚊蟲都有，臭味令你想死！」但劉嘉玲還是表示有好劇本，仍會請假拍戲。