順豪集團西貢御花園，全數三十四幢洋房，去年九月拆售，現在終於賣晒，以每座六百萬計，套現超過兩億。 最後一座由美聯促成，助理區經徐建麟話，呢座單號屋由廠家承接，當日個買家原本去屋苑探朋友，點知俾周圍環境吸引，知悉發展商得番最後一座未賣，即時扑槌買嚟自住，以六百七十四萬買入，約二千呎，每呎三千四，成為屋苑呎價最高嘅成交，相對開售初期，升咗兩成幾。