商場搞活動愈嚟愈多，一頭半個月就有一次，所以要不斷諗計，紅磡黃埔新天地商場，暑假期間舉行「黃埔夏日跳躍水世界」，今個月底同下個月初一連兩個周末，將船景街變身成跳水舞台，重請到澳洲世界跳水冠軍嚟表演跳水，而個水池只得二點五米深。 另外，九倉銅鑼灣時代廣場，今個禮拜四起會有牛仔褲展，請咗創作人曾偉文做嘉賓。