獸醫：不會依賴政府
「我試過整親隻眼去急症室排隊，見到前面嗰個人隻腳流緊血，都唔知要等幾耐，唔好話中產人士，我諗『低產人士』都唔想等啦！」獸醫黎昌生討厭排隊看急症，認為中產人士一般有儲蓄，有能力支付私營門診服務的費用，「啲稅收應該係用嚟畀啲有需要人士嘅，不過一啲好重嘅手術，好似換個腎咁，我諗政府會照顧我嘅，佢（周一嶽）話唔會影響到我財政太多，唔畀我破產㗎嘛。」黎昌生又指，不希望依賴政府，他會做好計劃，多加儲蓄。
糖尿患者：同意改革方向
二十多年前已患上糖尿病的洪德成，曾任職廉政公署，又服務過網球總會，因患上該病而無法購得醫療保險，但他同意醫療改革的方向，認為中產人士能負擔私家門診服務，並相信家庭醫生能擔當基層醫療的角色。「睇住政府個計時炸彈就嚟爆煲，唔通個個淨係掛住自己嘅利益咩，唔同收入嘅人係應該有唔同看待。」他因病而認識一名私家醫生，該醫生指導他定時運動，又與他一起打網球，令其病情大為改善。「佢𠵱家成日會同埋班糖尿病人打網球，政府醫生點可以跳出框框，係家庭醫生先可以做得到。」
病童母親：看私診負擔重
「個細仔出世之後，身體健康就出現唔少問題，每個月都要去醫院嘅全科、兒科、耳鼻喉科、眼科同骨科覆診。有時個仔傷風感冒，都唔想再輪籌等餐死，寧願每次畀三百八十蚊，帶個仔走去睇私家醫生。」李太昨帶同幼子到伊利沙伯醫院做腳套時又稱，每月連覆診兼看私家醫生，醫療開支有時要高達二千元。
她指若周一嶽不理市民死活，迫基層市民光顧私家醫生，有病的貧苦大眾，就會百上加斤。
