NEWS成員內博貴因未成年飲酒而被雪藏，但其實佢亦係無辜受害者，據知富士電視台女主播菊間千乃當晚同一班女性朋友食飯，炫耀自己可以約NEWS成員出嚟，收到電話嘅內博貴多次拒絕，但最後被迫現身，重俾菊間嘅朋友灌酒同捉住影相，當正係公仔咁玩，認真慘情，最後菊間重由得醉醺醺嘅內博貴一個人返酒店。另外，NEWS新細碟《TEPPEN》成為咗本周ORICON細碟榜冠軍。