香港嘅拍賣行個個禮拜都舉行拍賣會，每場最多拍三四十件，但比起今個禮拜五呢場拍賣會，就真係小兒科，因為共有二百件，全部係杜拜全新物業。
呢批物業包括發展商同業主貨，有分層有別墅，部份重係冇底價。
拍賣行從過往一分鐘拍一件嘅速度推算，估計成個拍賣過程只要三粒鐘就可以搞掂。若果本港嘅拍賣行，拍賣速度都係咁快，睇怕啲酒店就會唔多高興，因為租場收入會少咗。
呢次拍賣會由WWA集團同WWA（杜拜）有關嘅WWA（香港）主持，同場重可以網上出價競投。拍賣會又可以向買家提供貸款，同埋有專業移民顧問，即場解答買家移民杜拜嘅問題。
電郵地址：[email protected]