蒲開銅鑼灣、尖沙嘴一群，未必會山長水又遠跑到青衣城行街。最近終找到理由走一趟，新開的「LaParole」賣法國、意大利、比利時特色歐陸菜，餐廳由比利時御廚設計，有中環水準，價錢卻較合理，絕對值得一試。
記者：李淑芬
攝影：陳智良
食物新鮮無味精
「LaParole」位處青衣城戲院旁，餐廳面積不大，但裝潢講究，水晶吊燈、整齊西式擺設，FiningDining感覺突出。價錢方面屬合理價，高水準法式晚餐8道菜$388，一客白酒煮比利時青口$138，將價，卻沒有就貨，經理Viola說：「餐廳宗旨不加味精，以新鮮為大前提。」餐廳菜式由星級廚師BenoitGersdorff設計，他設計菜式時沒考慮迎合本地人口味，純以食物配搭出發，希望讓客人吃到正宗歐陸菜。
沙律
生劍魚片青瓜香橙沙律
劍魚本身肉質較嚡口，但配合橄欖油及黑水欖後，味道相當鮮味清爽。
前菜
份量輕輕的第一道前菜作為全餐的引子，貴價巴馬火腿味道鮮甜，與汁多鮮味的蘆笋做出驚喜配搭。
煎大蝦配蒜茸牛油汁
大蝦夠新鮮，煎得亦夠香口；但切勿忽略小番茄盛着的比利時甜蝦，細細粒夠Cute，亦非常甜美。
雪葩
青檸雪葩
試過多道輕鬆前菜，吃主菜前先吃雪葩，清清味蕾再吃過。
主菜（2選1）
蒜香煙肉特級牛柳
牛柳沒經過醃製，以煙肉包起才煎，兩者相輔相成，都變得鮮味。
海鱸煙鱔配薯茸巴西葉鮮茄汁
海鱸魚滑溜得可以直接滑入喉嚨，魚皮又脆口，可見餐廳廚師的功架所在。
甜品
每天不同組合，今次是藍莓芝士餅（左）、Opera（右）及朱古力慕絲（後）；藍莓芝士餅甜度適中，又不會像紐約芝士餅硬，最為吸引。
比利時菜
白酒煮青口$138
比利時青口足半公斤，比利時人夠豪爽，棄刀叉改用殼夾出青口肉，呷口白酒汁，如清湯般鮮甜。
HighTea套餐 $168
2人份量，20多件西式、中式小食甜點，包飲品，鬆餅味道夠正宗，兼有比利時著名品牌Leonidas朱古力數件，最驚喜的是有中式春卷食。
比利時50大名廚
介紹荷蘭與比利時50最佳星級名廚的《Magicinthekitchen》，由BenoitGersdorff當封面，他曾於世界各地超過50間餐廳工作，更是比利時國皇御用廚師，曾伴隨比利時國王親訪北京，為元首級官員下廚，現擁有2間米芝蓮星級餐廳，分別是法國餐廳「L'Essentiel」及於2004年被選為比利時最佳意大利餐廳的「NeroBianco」。
食客有Say
LaParole（24364099）
地址：青衣城商場地下G02A號店
營業時間：星期一至五12:00nn至11:00pm，星期六、日及公眾假期11:00am至11:00pm
座位：室內55個，VIP房25個