鄭秀文（Sammi）早排身體狀況唔係太好，塊面腫腫哋，所以成日暱埋休息。之前Sammi拍關錦鵬執導嘅電影《長恨歌》嗰陣，成日同劇組請假，喺片場嘅情緒又唔穩定，所以坊間就傳佢患咗重病。不過日前Sammi精神奕奕同導演杜琪峰食飯，就算有記者影佢，Sammi依然笑容滿面，充滿自信。
「勿以健康開玩笑」
點知噚日又有雜誌報道，話Sammi兩年前患有子宮頸惡疾，話佢向曾醫過梅艷芳嘅鄭寧民醫生同去瑪麗醫院求診，重話Sammi經過兩年治療，終於戰勝病魔㖭！
Sammi嘅經理人郭啟華噚日對於有關報道就話：「Sammi好健康，對於呢啲無聊嘅傳聞，我哋唔會再回應，Sammi多謝大家關心，希望各大雜誌唔好再以Sammi嘅健康嚟開玩笑，我哋會對不實嘅報道保留法律追究權利。」