古巨基、詹瑞文、森美、Kary和Theresa等有份配音的機械人動畫《露寶治的世界》前晚在會展舉行首映禮，眾人均有出席撐場。
基仔表示當年在無綫藝訓班時曾接受配音訓練，他說：「我對呢方面好有興趣，導演都話我配得好。」基仔稍後會與張栢芝合作新片《粉紅老虎》（暫名），他說：「戲中栢芝演一個身懷絕技嘅人，我就扮個西裝友。因為栢芝咁瘦，我會減五至八磅襯番佢。」
大部份觀眾前晚欣賞完《露》片首映均讚不絕口，一班年輕觀眾還評該片為A級，其中一位女觀眾說：「我哋好鍾意基仔嘅配音，最鍾意係機械人跳舞嗰段。」
另外，詹瑞文除了為《露》片配音外，還有份為同期上映的《荒失失奇兵》配音，他說：「我同咗唔同嘅電影公司講，佢哋話題材唔同，唔緊要喎。」
Theresa成日仆
Kary和Theresa亦都對配音很有興趣，Theresa說：「戲中我嘅角色成日仆親，同事話同我現實生活一樣，我嚟首映時都差啲仆親，基仔重笑我！」
採訪：馮美茵 攝影：陳志嵐
