日本性感女星小倉優子近年銳意作多方面發展，佢除咗繼續拍攝水着寫真益fans之外，又出唱片、演日劇同現身電視綜合節目，最近甚至做埋電台DJ同幫卡通片配音，真係百足咁多爪。不過優子似乎鍾意演戲多啲，而佢最近就好投入咁喺新劇《這邊本池上署5》入面扮新紮女警，優子話：「我已經習慣拍劇，暫時亦冇NG呢！」