新任政務司司長許仕仁，寧願以每月十六萬元租住跑馬地禮頓山自製嘅相連單位，都唔搬入政府畀佢嘅山頂白加道官邸，令到當年全城矚目嘅禮頓山，再度成為焦點，屋苑其他業主趁勢放售單位，求好價。
禮頓山成個屋苑，只有三套逾四千呎原裝相連戶，其中五座三十八樓A，業主剛委託美聯招標出售，連三個車位，九月二日截標，意向價億二。
美聯跑馬地區域經理何璦麟話，禮頓山原裝相連單位共有十一組，當中只有三套超過四千呎，珍貴罕有，呢組係𠵱家唯一放售嘅相連戶。業主○一年初用五千四百萬購入，看好後市唔捨得放手，直到大坑新盤名門熱賣，佢才趁勢標售。
電郵地址：[email protected]