梅艷芳去世年多，最近有人想拍套《梅艷芳菲》嘅劇集，主要講阿梅嘅私生活同感情生活，由梅媽（圖）做顧問，賴建國執導。日前套劇喺深圳搞咗個記者會，宣布徵召飾演梅艷芳嘅演員，條件係除咗外形似之外，內心性格都要似喎。而其他角色如成龍同劉德華等，如果本人肯做，就由佢哋客串做番，唔係就會搵內地演員扮，但劇中除咗阿梅，其他角色都用假名。