水能載舟，亦能覆舟。常有人欠下龐大信用卡款項而身陷困境，但若能像城市大學管理科學系副教授曾淵滄般，善用信用卡申領贈品、享用信用卡與商戶同時推出的優惠，亦不失為一個抗通脹的精明消費好方法。
有「卡霸」之稱的曾教授擁有五十多張信用卡。他說，每逢銀行推出新卡用戶優惠，「都會睇吓迎新禮物啱唔啱。」他家中的電視機、DVD機、室內無線電話及手機等多為信用卡贈品。
但他錢包中只放着兩、三張信用卡：「一張喺又一城（毗連城大）食嘢有優惠，一張做緊推廣，簽千五蚊送一百蚊，一張係DinersClub，可以用機場貴賓候機室，啱晒我成日搭飛機。」
建議自動轉帳還款
「年費，我一次都無畀過喎。」曾淵滄說信用卡年費豁免期屆滿時，只需「打個電話去銀行」便可再獲豁免，「唔畀咪cut咗佢囉，但只要你cut咗張信用卡幾個月左右，就可以重新申請，再攞迎新禮物㗎。」
遇着曾教授這類客戶，銀行豈非蝕本？「銀行唔做蝕本生意，佢會出賣你啲資料㗎！」他說，銀行可按收入將客戶分類，「白金卡卡主嘅資料梗係最值錢，銀行可以幫啲商戶將廣告連月結單一齊寄畀你，就可以向商戶收番廣告費。」
但他提醒，信用卡年息達二、三十厘，私人貸款只有約十厘，「真係要量力而為，亂咁碌卡買嘢，無錢還就死梗。」他建議為每張信用卡申請自動轉帳全數還款，以免忘記還款而損失慘重，「又要畀行政費，又要畀息，收到禮物都補唔番啦！」
記者：翁煜雄