新鴻基地產旗下觀塘apm商場，今年三月試業，噚日先至正式開幕，新地除咗請到劉德華同前曼聯球星簡東拿做開幕禮嘉賓，重有一位特別嘉賓，佢就係新地老闆郭氏三兄弟嘅母親大人郭老太。
聽講郭老太噚日同個仔郭炳聯響apm飲茶，知道個場搞開幕禮，於是嚟湊熱鬧，負責頒獎畀apm第二千三百萬名顧客。雖然apm目標係年輕人，係賣潮流嘢嘅商場，但郭老太都經常到場視察業務，早排重俾人見到佢響利苑飲茶後，周圍shopping買嘢。
apm噚日創出單日人流紀錄，估計全日有三十五萬人次，難怪郭炳聯同郭老太全程笑到蓮子蓉咁啦。
傳真︰2623-9278
電郵︰[email protected]