萬人迷碧咸（DavidBeckham）嘅一舉一動向來好受公眾注目，所以佢阿爸德（TedBeckham）就寫咗一本關於個仔嘅傳記嚟滿足大家，據知德伯收咗六位數字英鎊嘅酬勞，諗住作為退休之用。本書有三百張未公開過嘅碧咸靚相，預計喺十月推出，不過原來德伯一直冇同個仔講，喺上星期先畀本書嘅草稿碧咸睇，所以碧咸同老婆Victoria嬲到彈起。