若然由細到大都冇屬於自己天與地的朋友，當你開始擁有自己的房間時，都總想掛個門牌在房門做個記認，表示這裏是「我」的地方。潮流興玩「自我」，這「地頭」標誌就梗要夠個性！其中搞鬼味十足的指示牌就最搶！當中的Logo同文字甚有諷刺意味，加上自己的名字就可以當門牌使用，夠晒特別！
記者：曾靜茵
攝影：陳盛臣、周旭文、梁細權
Models：Carrie（Salvador）、Tango
玩Local勝在啜核
真真正正香港本土設計的指示牌或門牌確實不常見，尤其當中以本地文化、街頭術語的字句作為創作理念更可以話係少之有少，而抵死的文字夠晒Local，配合搞鬼的Logo設計可以話係爆笑之作。睇完之後也不得不佩服香港的獨特文化及創意頭腦。而牌上的名字更可TailorMade，整番個放喺房門口咪話唔型。
蛇王使乜驚
「蛇王友」呢個詞語若果唔係香港人嘅話未必會識，做做吓嘢話去「蛇番陣」，肯定係打工仔的小樂趣，若果喺公司後樓梯、廁所嘅位置放上呢個牌，公司嘅辦事效率必定提高。之但係放喺自己房門口，奉旨蛇王，有乜唔妥？
售價：$85（a）
玩食字「正茂里」
「正茂里」玩食字夠晒潮，當中有埋英文拼音可以話係最搞嘢設計，而款式亦依照街道牌製造，放於家裏或宿舍的走廊，亦是爆笑之選。另外亦可依照個人名字製造，如「嘉雯街CarmenStreet」等。
售價：$85（a）
廁所「茅躉王」
「茅躉」一詞多數話人比賽時用蠱惑招數，咁同廁所有乜關係？皆因「茅」、「躉」兩字分開來解釋，則可讓人聯想到茅廁及臀部，所以以後咪見到廁所Logo就直衝入去，小心亂闖入那些自稱「茅躉王」的私人空間。
售價：$85（a）
米田共攪屎棍
「攪屎棍」形容喜歡搬弄是非、製造事端的人，若然有人送呢塊畀你做禮物，咁你就真係要好好檢討吓自己，不過想玩吓Gimmick，放喺擺放廁所泵的位置亦是不錯的選擇。
售價：$85（a）
「豬扒」咪埋身
相信香港人冇乜邊個唔知「豬扒」指醜女，不過為防有人扮聽唔明，所以呢個牌以圖文並茂的方式來詮釋，放喺辦公室，必定冇醜女敢埋身；放屋企，又可當鞭策自己！
售價：$95（a）
一味靠嚇
門牌最重要的作用是展示你的勢力範圍，提醒別人勿亂闖，有人會惡形惡相，實行以「恐怖」手段，嚇窒閒人。
亂闖小心你個頭
驟眼睇似洗手間的門牌，不過睇真啲，女子手執鐮刀，亂闖私人空間，人頭落地！咁激，夠晒阻嚇性。顧客有要求的話，男女角色可互換，變成女人人頭落地。
售價：$95（a）
玩搶眼車站Feel
常見於車站的黃、黑、紅三色注意牌，大大隻的「CAUTION」字已十分搶眼，現加上「EnteratyourownRISK」的字句，咁嚴肅，想亂闖的人肯定窒步。
售價：$105（a）
骷髏骨嚇窒人
嚇人白骷髏骨Logo加上「UNDERSTOOD？」的字句，簡簡單單卻能表達不能隨便進入的含意，甚有意思，再加上自己的名字，就可變成獨特的房間門牌。
售價：$95（a）
一掌推你走
手掌形「立入禁止」門牌，五指形狀容易辨識，成副拒人於千里模樣，唔識字都睇得明，對付小朋友最啱。
售價：$10（d）
溫柔話你知
你話要強調少女味？展示溫柔之餘又不想別人入侵私人空間？得！以卡通得意圖案設計的木製門牌，配合公主式布置的房間，讓你締造一個童話式的大門。
開心狗房門牌
畫上可愛卡通狗的木製掛牌，全以人手製造，並寫上「MyRoom」或「Bedroom」的字句，每隻狗的造型均趣致得意，加上招牌的笑容，猶如歡迎你回家，讓你心情輕鬆愉快。
售價：各$49（c）
掛門鈴鈴響
只寫上「Welcome」的HelloKitty牌仔，上面掛上三個響鈴，只要推門而進，便會發出「鈴鈴」的聲響。阿媽突然殺入房，「警報」即響。
售價：$49（e）
掛鎖狗仔門牌
唔想喺門上揼釘，掛喺門鎖上的牌仔是另一選擇，呢款狗仔圖案門牌，亦以人手製造，上面以美術字體寫上「Bedroom」字句，備有紅、黃、藍三種款式。
售價：各$49（c）
房間變廁所？
擺明係廁所門牌，不過小解的男女就十分Cutie爆笑，不像一般火柴人圖案咁悶。放廁所門口裝飾固然有新意，做房門門牌一樣得！夠搞鬼兼可愛嘛！
售價：各$22（b）
擺明車馬大覺瞓
好想瞓，但就被阿媽摷醒！這肯定是生活中的一大惱人事。而這個「好夢中，請勿打擾」牌子，相信使用率頗高，掛於房門讓你免受打擾，一覺瞓到大天光。
售價：$32（b）
轉轉訊息牌
掛喺房門口的木牌，除咗用來識別自己的房間外，亦可用來傳遞訊息，呢款大口仔門牌，上面的字句牌可以轉動，備有「MyRoom」、「I'mOut」、「PleaseTakeOffYourShoes」等字句。
售價：$49（e）
大自然田園味
四四方方的木牌，寫上「秘密的部屋」字句，加上綠色的花邊，充滿田園氣息，配合木製及藤織的家具夠晒大自然，不過就暗示閒人咪亂入。
售價：$10（d）
買料D.I.Y.
巿面上可以買到的門牌，在款式、字句上的選擇並唔多，所以買材料D.I.Y.亦是熱門之選，除咗有橢圓形的木牌外，亦有屋仔形狀，只要貼上所選字句，再掃上顏色便完成，可以凸顯個性兼夠晒心思。
材料：$10/每款（d）
售賣點：
（a）你想店（82086022）
旺角亞皆老街8號朗豪坊商場9樓31店
（b）中南圖書文具有限公司23842430（6線）
旺角西洋菜街2Q地下
（c）狗士多（22445000）
沙田新城市廣場第一期地庫東京新幹線4號車仔
（d）吉之島10元廣場（34282138）
銅鑼灣京士頓街9號家居廣場1樓
（e）TrendyLand（28821013）
銅鑼灣駱克道537號地下