大氣電波容不下嘅聲音，喺網上電台都重有少少生存空間嘅。八方聽聞被商台炒魷嘅黃毓民，有意開設收費網上電台，一心諗住自己有成四萬聽眾，只要有十分一人肯畀錢聽，成績都算幾好。但佢身邊嘅老友就冇咁樂觀，覺得毓民都係諗定啲先穩陣，事關網上收費電台愈開愈多，要搶到固定客人都唔係咁易㗎。
如果係餓咗毓民開咪好耐嘅市民，今晚可以去到人民廣播電台，睇吓毓民再點爆商台大鑊，可惜搵唔到大班一齊主持，否則更加過癮。而同毓民一樣咁火爆嘅阿牛，噚日就喺有線電視二十七台互動電視嘅《有讚有彈》做主持，訪問梁耀忠，呢期網絡媒介又幾熱鬧喎。
傳真︰2623-9278
電郵︰[email protected]