黎姿和新人賈立怡昨日在沙田新城市廣場出席「香港愛護動物協會親親寵物夏日愛心巡禮2005」，現場還舉行「寵物活力大賽」。擔任動物愛心大使的黎姿，表示家中亦養了隻小寶貝，她說：「最初我以為呢個活動係露天舉行，所以唔敢帶我隻松鼠（狗）嚟，佢隻腳好幼，已經八歲。我驚佢會受傷，屋企人當佢如珠如寶，我媽咪錫佢多過錫我，平時佢同我一齊食燕窩、西瓜同榴槤。」
強調胞弟獨身
黎姿又認為理想對象首要條件是要愛護小動物，她說：「以前我試過帶男友返屋企，見佢哋抱隻狗，同隻狗玩，就會加分，從中都睇到佢哋嘅性格。」談到黎姿的弟弟最近被影到跟女性友人一起的照片，黎姿說：「我細佬𠵱家係獨身，嗰個唔係佢女朋友，係我朋友，係我介紹識嘅。佢冇拍拖，又唔係圈中人，我想佢低調啲，佢都唔想入娛樂圈。」
採訪、攝影：楊潔雯
