來自內地的趙涌前晚勇奪《2005亞洲先生競選》冠軍，對於內地及香港參賽者壟斷三甲，被指有造馬之嫌，亞視表示賽果公平，且於昨日安排其中十二位亞洲先生試鏡。
由亞洲電視舉辦的《2005亞洲先生競選》前晚舉行完畢，內地參賽者趙涌勇奪冠軍寶座，亞軍則是本地的翟威廉奪得，而來自內地的林志豪及來自以色列的佳．賓素山則是雙季軍。有觀眾投訴賽果不公，更直指翟威廉表現失準仍得亞軍，似有造馬之嫌。
核數師監賽果
亞視方面對於有觀眾投訴賽果不公平，表示十分重視，亞視高層葉家寶昨日解釋說：「個賽果係評判選出嚟，有核數師監管。以色列都攞到季軍喇，個個參賽者水準都好高，總之絕對冇造馬。」被指表現失準的亞軍翟威廉則說：「如果真係有咁嘅事，我會致歉。但係我真係盡咗力，都有人讚我，可能唔好一面評判睇唔到。」
冠軍趙涌前晚在泳褲環節不慎露出恥毛，問到葉家寶會否擔心被觀眾投訴時，他說：「綵排嗰時都唔係好覺，可能佢啲毛生得高咗少少，不過條泳褲就絕對正常。」
趙涌排戲認真
亞視昨日安排其中十二位亞洲先生在亞視總台試鏡，內地及本港的參賽者以試戲為主，外地參賽者則行catwalk及當司儀。其中冠軍趙涌排戲時十分投入，他說：「我對呢行好有興趣，以前都有試過參與內地電視劇，有機會都想喺香港發展。」
採訪：王崇穎、卓美娟 攝影：葉君海
