旺角朗豪坊就係八方常遊嘅購物點，以前朗豪坊附近好多衣着性感嘅「姐姐」響度拉客，本地藝術家曾建華就忽發奇想，聽見朗豪坊搞裝置藝術展，就用咗鳳姐用嚟招客嘅口號，好似「花式多又多，任你玩邊科」、「笑容迷人俾佢電暈」之類砌咗個好靚嘅圖案（圖一），好反映到旺角嘅文化。點知朗豪坊擔心教壞細路，結果當然係無得展出啦。朗豪坊發言人強調，「戲院嘅三級片都要十八歲以上先可以入場啦！」
曾建華攞過Sovereign當代亞洲藝術獎，以前試過用粗口創作（圖二），照樣可以響藝術館同畫廊展出。佢同八方講，香港人唔係太接受當代藝術，好多機構搞所謂嘅藝術展覽都係想提高形象，係用嚟扮高檔嘅手段。八方登下曾建華嘅創作，畀讀者自己評吓係咪好接受唔到？
傳真︰2623-9278
電郵︰[email protected]