杜可風(左一)近日接受英國《觀察家報》訪問,暗示佢付出五年幫王家衞(右一)拍攝電影《2046》係一種折磨,可能以後都唔會再同對方合作。杜可風直言當年開拍《花樣年華》延續篇係一個錯誤決定,佢話:「我覺得根本冇必要拍《2046》,可能王家衞都知道呢點,套戲先會拖咁耐。你之前要講嘅嘢都講晒,使乜要多講?做人要向前看。」