TerriHolladay早前公開發表聲明宣布與未婚夫Paolo和平分手，前晚兩人卻表現煙韌，在中環國際金融中心出席一名店開幕活動，兩人齊表示前晚是兩人自五月正式分手後首次見面，雙方仍互相關心，並形容這段感情從頭至尾是一個誤會，因兩人均欲專心工作，沒時間拍拖，惟有分手。
法國名牌Lanvin前晚於中環國際金融中心舉行新店開幕活動兼加演秋冬新裝騷，請來台灣「新人王」郭品超行騷，出席嘉賓包括TerriHolladay、周汶錡、琦琦及徐子淇等。
兩月來首見面
TerriHolladay早前公開向傳媒發表聲明，宣布與未婚夫Paolo和平分手，前晚她卻與Paolo如往常般煙韌出現，即引來記者追訪，兩人均表示分手是事實，Terri說：「我同Paolo五月之後一直冇見過，今晚（即前晚）係五月後第一次見番，我哋關係好好，仍然深愛同關心對方，但係大家都想專心發展事業，Paolo成日要喺內地，下個禮拜又要飛新加坡同吉隆坡，我就簽咗一間國際性嘅模特兒公司，以後會好少時間喺香港，個仔Roman都會跟番佢爹哋（趙世曾）住。」
Terri往美發展，會否在當地展開一段新感情？這時Paolo即呷醋搶答說：「No！我哋由頭到尾都係一個誤會，大家實在太忙，冇時間，好似今晚大家都喺香港，咪一齊過個開心嘅weekend囉！」
徐子淇昅靚仔
另外，前晚周汶錡穿上一條Lanvin低胸透視裙亮相，成為全場最性感的焦點，且全晚都不敢站立走動。而徐子淇則表示是專程來欣賞靚仔郭品超行騷，她透露早前遺下前晚所穿的Lanvin絲絨裙在餐廳，幸最後失而復得。
採訪：RitaLeung
攝影：HoKwokHo
