天海祐希最近喺新劇《女王之教室》入面扮演一個超級苛刻、有「鬼教師」之稱嘅女教師，佢喺劇中唔畀學生上堂時候去廁所，令佢哋失禁，套劇亦有好多出位情節，搞到播放咗兩集，套劇嘅官方網頁留言板已收到成一萬二千個留言，當中有唔少觀眾都要求停播套劇，其中有師奶觀眾就批評話：「只有啲唔鍾意小朋友嘅人至會覺得套劇過癮，但我就睇得好心痛！」