女子組合Twins昨日在馬鞍山新港城中心舉行簽名會，以及擔任「小小大熱Twins模仿大賽」評判，吸引了近千名市民及歌迷圍觀。六組十五歲以下的參賽者模仿Twins載歌載舞，其中更有一隊是全男班。
老師鼓勵
Twins在台上稱讚一班參賽者夠勇氣，蔡卓妍說：「以前我都有諗過參加《歡樂今宵》嘅扮嘢比賽，嗰時係諗住扮四大天王，郭富城就最易扮，我老師都鼓勵我，不過佢就叫我諗清楚先，諗諗吓都係唔夠膽。」
至於鍾欣桐最喜歡在家中扮演劇集的角色，她說：「最鍾意就係扮古裝，嗰啲雙劍合璧，將個衣架拆開拉直扮一把劍，一條毛巾披就當係衫。搞咁多嘢，要等屋企人唔喺度先至敢玩，如果唔係一定俾人鬧。」
採訪、攝影：楊潔雯