一向主攻㗎妹市場的便服鞋牌子Bissare及OZMA，在日本閒閒哋都要六七百蚊一對。𠵱家20蚊就買到？咁即係食少餐「老麥」就可據鞋為己有啦﹗雖然有部份筍貨都斷晒碼，不過畀啲耐性慢慢揀，一定可以買到心頭好，身為天生買鞋狂的你又怎能忍手唔掃番幾對先？
記者：趙善怡 攝影：周旭文
Imagegirl：Clairol
懷舊Feel羊皮涼鞋
Bissare淺啡色露趾涼鞋用日本羊皮製造。兩吋高，踭位有帶兼有扣。20蚊齋買皮都唔得！不過好嘢梗多人爭，所以只剩番3對35號碼！
原價：$299特價$20
花俏通爽 夏日啱路數
炎夏火辣辣，涼鞋就梗係首選！有踭款式加花俏設計，睇見都涼浸浸。
金色幼條
今年勁興金屬色系，所以呢對兩吋高的玫瑰金羊皮涼鞋定能入選必掃之列。另有橙色及粉紅色選擇，存貨充足，可慢慢找出合穿的尺碼。
原價：$599
特價：$150
立體花做點綴
光皮花花Mix羊皮花花，好有層次感呀！唔怪得Model都為它而雙眼發光。而雙條的設計，增添不少成熟韻味，另備有黑、深藍及橙色選擇。
原價：$599
特價：$150
清爽花碌碌
花面人造皮加羊皮蝴蝶結的三橫條設計，非常夏日！呢隻踢拖款的涼鞋備有駱駝毛色、淺綠、粉紅及黑色，買番兩對襯吓衫褲係唔錯嘅選擇。
原價：$399
特價：$99
修腳設計顯線條
Bissare精選了日本凸紋布料製造出婆仔款的修腳涼鞋。兩吋的高度最能塑造女性玲瓏的曲線，此款式只剩兩對存貨，不要再猶豫了﹗
原價：$399
特價：$99
阿SAMFans必入
豹紋一直都有擁躉，就連歌神SamHui都為之着迷。重剩兩對（34半及37號碼）的兩吋高豹紋涼鞋用料較特別，馬毛加上羊皮底，的確Grand。
原價：$599
特價：$150
和風有「涼」意
備有草綠、米白、粉紅的兩吋高Bissarelady款涼鞋今次十分齊碼。主打羊皮料加上日本大花布的圖案，看起來非常大體，是斯文大方A字裙的絕配。
原價：$599
特價：$150
簡單中見特色
啡色牛皮密頭設計襯紅色小蝴蝶結，斯文得來又不單調，兩吋踭返工最啱，鞋頭軟墊又最能保護腳部。這款BissareOL鞋齊碼，俾你揀到啱。
原價：$299
特價$20
防滑防跣易襯款
1吋高的羊皮Bissare密頭鞋貨源充足，35及36號碼有最多存貨。深藍色最易襯衫，鞋底兼有防滑防跣設計，相當抵着﹗
原價：$299
特價$20
漆皮易打理
Bissare漆皮淺灰色涼鞋，兩吋高，冇包踭的設計，穿起來更覺Causal！不過此鞋款只剩3對，認真要有買就趁手﹗
原價：$299
特價$20
跣水PinkLady
Bissare使用意大利入口跣水布料打造兩吋高的圓頭鞋，就算是落毛毛雨都一樣掂﹗共有兩色（黑同粉紅）選擇，當中以粉紅色較齊碼，拿來襯傘裙就最Fit！
原價：$299
特價$20
密密實實 返工鞋最佳演繹
講到返工鞋，就最重斯文大方兼長時間着都一樣舒服，重要價錢夠驚喜，搶硬啦！
花色取勝
兩大朵玫瑰花垂吊在圓形的羊皮鞋頭上，花朵跟隨着腳步輕輕擺動，意態撩人。此款式備有多色選擇，分別有粉紅、米白、淺綠、桃紅、銀及金。
原價：$599
特價：$150
鉚釘起波浪
鉚釘配合摺成波浪形的鞋面設計是OZMA呢對3吋高高跟鞋的特色所在。羊皮質地軟熟，兼且備有防滑鞋底，重提供多個尺碼，可說照顧周到。
原價：$599
特價：$50
牛羊大滙集
羊皮溝牛皮的配搭非常新鮮！小小蝴蝶結為1吋高的尖頭鞋注入不少青春氣息。不過要向大家提醒一句，呢款只有斷碼35至36號碼提供喎！
原價：$299
特價：$50
超尖頭夠型格
備有35至36號半的OZMA超尖頭鞋用上蛇皮加羊皮的配搭，四分三吋高的鞋踭就最好看，另有小量深啡色的同款給你細選。
原價：$299
特價：$99
扣帶添少女味
扣帶款密頭設計，感覺較為活潑，而且夏天亦倍見通爽，再加個蝴蝶結就更添少女柔美。有淺黃及彩藍色選擇的兩吋高牛皮返工鞋，其中以淺黃色的尺碼較齊。
原價：$599
特價：$99
Cute皺褶蝴蝶
話佢顏色多多皆因它有黑、深啡淺啡、紅及軍綠色選擇；而讚佢Cute是因為它將大大片有皺褶的蝴蝶裝飾放在鞋頭上。半吋高的斷碼款買少見少。
原價：$299
特價：$150
開倉資料
日期：2005年7月17日至23日
時間：10:00am至7:00pm
地址：銅鑼灣渣甸街5-19號京華中心14樓1402室（香港倫敦製鞋有限公司）
電話：23170767
付款方法：只收現金
備註：筍貨數量有限，有買趁手，不過開倉地點於星期日是沒有冷氣開放的，要買平嘢就要捱吓熱了﹗