城市大學社會科學系高級講師張楚勇的幼子張忻立是典型哈利迷，每本已重看超過四十次，「同學都話我瘋狂，但係我仍然會重複睇，直到exactly（準確地）記得晒啲情節為止。」新一集剛出版，他既驚且喜，一方面急不及待的數度問爸爸「幾時去書局？」一方面卻說：「都係唔想咁快睇，好驚睇完覺得唔好睇，會disappointed（失望）。」
母親買書當秘密武器
現年十三歲的他，六年前由也是哈利迷的姐姐介紹，第一次接觸這套兒童巨著，「有一晚我好悶冇嘢做，家姐就畀咗第三集我睇，第一頁嘅第一段講HarryPotter好憎放暑假，重好鍾意做功課，咦，點解會同我咁唔同嘅？就係呢樣嘢吸引到我睇落去。」自此他便全套來回重複的看，「唔會悶，睇過會唔記得㗎嘛。」他更試過花了整個晚上，通宵達旦的讀完六百多頁的第四集，「我會沉咗入去，其他乜嘢都唔知。」
羨慕主角魔法飛天車
兒子如此着迷，張母卻不替他擔心，反將此當作「秘密武器」，五年前他們一家到英國旅遊，她偷偷買下剛出版的第四集，「我收埋喺行李，以備不時之需，有一次我哋去探朋友，佢無嘢做，喺人哋屋企捐來捐去，又用匙羹敲人哋張枱，我一攞本書出嚟，佢即係乖乖哋坐響梳化度睇。」
張忻立除了喜歡主角哈利的獨特性格，亦為其魔法感着迷，書中主角哈利上學遲到，曾用魔法飛天車（MagicalFlyingCar）代步，「有咗呢樣返學可以遲啲起身，佢有啲魔法真係好有用」，然而他並不渴望擁有魔法，「我𠵱家身處嘅環境同佢唔同，樣樣嘢都好方便，都唔係一定要用魔法啫。」
記者：白琳