早前MusicNation為了催谷女生宿舍，特別找來點石堂出版社為她們出版寫真集，選了新加坡風光如畫的度假勝地民丹島為拍攝寫真的主要場景，女生宿舍四位成員除拍照外，還偷閒享受陽光與海灘。
水上屋恐怖
對於此輯寫真照，成員Toby（梁靖琪）頗滿意，她表示：「喺去拍寫真前一日，我重喺度做緊嘢，直到上機先可以有時間休息，記得到埗第一日就拍床上照，可以瞓吓，真係開心。公司啲同事睇過啲床上照都話性感。」
Macy指今次去外地拍寫真好玩，她說：「我哋四個喺攝影師面前游水、打波、着泳衣喺草地跑步，我哋要着高踭鞋嚟跑，都竟然冇拗柴，算夠運。」Bella就最怕水，她說：「我最難忘係喺一間漂浮喺海上面、用嚟打魚嘅屋裏面拍嘢，我真係好驚有事，所以連擺甫士都硬晒。」
