譚詠麟（阿倫）昨日與一眾香港小姐及香港先生首次碰面，阿倫點名指對香港先生5號江澤龍及香港小姐16號林莉最有印象，但宮雪花兒子江澤龍只開心了半天，到昨晚公布入圍名單時，與三位參賽者齊被淘汰。
應屆候選香港小姐及香港先生昨日陪同譚詠麟，在將軍澳電視廣播城為晚上錄影的節目《譚詠麟樂在香港三十年》進行拜神儀式。與一眾候選香港小姐及香港先生首次會面的阿倫，對參賽者表現得甚感興趣，他一見宮雪花兒子5號江澤龍就大嗌：「乜你重瘦過我？」之後又手多多地將香港先生的上衣逐個掀起查看，然後對一眾參賽者說：「冇call機嘅，淨係得毛？」
屋邨友有同感
阿倫透露對候選香港先生江澤龍（花仔）及香港小姐qh林莉最有印象，三人合照時阿倫問林莉是否住屋邨？阿倫說：「你好高呀，阿B（鍾鎮濤）都係高你一吋，你住屋邨㗎？我都係住屋邨嘅。」而花仔表示被阿倫指是最有印象的參賽者，感到很榮幸。阿倫說：「我八五年拍咗套《花仔多情》，我都係花仔，我都唔知佢係宮雪花個仔，我以前都見過宮雪花，不過唔熟。」
一眾香港先生晚上出席《東張西望：香港先生前哨戰》大會公布決賽入圍名單，1號陳彼倫、5號江澤龍、9號簡家銘和15號鄧志恒即場被淘汰出局。
大會昨晚公布淘汰名單時，花仔顯得有點失落，而11號羅浩雲則眼泛淚光，未知是否不捨得被淘汰的隊友所致。不過，花仔事後卻否認感到失望說：「我只係怕媽咪失望啫，對結果我冇投訴，我係輸體力，自己一早都有晒心理準備。」
宮雪花：冇事嘅
對於兒子被淘汰出局，宮雪花昨晚在電話中說：「都冇事嘅，原本計劃比賽完一齊去日本旅行，𠵱家可以提早出發。其實佢有冇獎都好，幾萬蚊大學學費已經交咗，佢讀書成績非常出眾。個仔體力係弱啲，但佢個樣似日本明星咁上鏡，唔緊要啦。好似鍾楚紅都冇名次，將來發展就冇人知。」
採訪：卓美娟、王崇穎
攝影：葉君海
