許仕仁重投官場，出任政務司司長，上月底辭去馬會董事職務，究竟空缺最終會由邊個補上，眾說紛紜，成為政界同商界熱門話題。
馬會董事地位崇高，唔少合資格嘅有識之士都好有興趣，八方喺早前曾經報道過，目前最少有四位政商界名人有意角逐，包括永安國際副主席郭志桁、滙豐亞太區主席鄭海泉、立法會議員張宇人同冠軍科技主席簡文樂，其中前兩人呼聲最高。
據最新消息所知，永安嘅郭志桁有機會跑出，佢唔單止喺商界出名，重係現役馬「真旺財」嘅馬主，經常喺研訊室出現，做監場董事，對賽馬運作可算瞭如指掌，佢本人都好積極參與推廣馬會會務，所以被選做馬會董事一啲都唔奇。
傳真︰2623-9278
電郵︰[email protected]