章小蕙早前到美國展開新生活，昨突返港為變賣其家品的事宜舉行記者會，她除了售賣時裝外，更會將大件家具放在網上拍賣，章小蕙說：「呢啲就等於我儲蓄戶口同零用錢，一路有息派，賣晒都夠畀首期。」
章小蕙一星期前到美國展開新生活，她昨日為了家品網上拍賣專程返港，在位於中環的時裝店舉行記者會。章小蕙眼見大堆舊家品，歎息地說：「初時都唔捨得，但呢個係重生過程。我掉咗十三箱剪報，之前睇咗十日十夜，好似做咗好多世人咁，但唔去舊，又點迎新呢？」
再搞美容網站
章小蕙已將部份家品放到網上拍賣，包括木桌、茶具、全盒和仿古木盒等，價錢由數百元至萬多元，而拍賣所得的金錢會成為章小蕙日後重生的零用錢，她說：「賣晒手頭上嘅嘢，我會將時裝店結業，所以呢度就會等於我嘅儲蓄戶口，一路有息派。之後我會同好朋友投資六位數字，搞一個美容網站同咖啡廳。」
對於有批評指章小蕙網上物品拍賣價錢昂貴，她說：「啲人水晶當玻璃都冇辦法，最緊要識貨嘅人買得高興。」
改善母子關係
章小蕙表示以後會很少會回港，她說：「嗰邊生活好舒服，冇人識我，好享受呢種感覺，而且周末可以同囝囝親子樂，關係都好咗。」不過問到章小蕙移居後購物會否三思時，她不改作風地說：「咁又唔會。」
採訪：卓寶花 攝影：陳志嵐
